Լյուիսթոնի իրավապահները պարզել են զանգվածային հրաձգություն իրականացրած տղամարդու ինքնությունը։ Ոստիկանության տվյալներով կասկածյալը շարունակում է մնալ ազատության մեջ։
Ավելի վաղ Fox News-ը հայտնել էր, որ իրավապահները ձերբակալել են Լյուիսթոն քաղաքում զանգվածային հրաձգություն կատարած տղամարդուն։
«Իրավապահ մարմինները փորձում են գտնել զանգվածային հրաձգության մեջ կասկածվող Ռոբերտ Քարդին», — ասվում է ոստիկանության ֆեյսբուքյան գրառման մեջ:
Ինչպես նշվում է, ենթադրյալ հանցագործը շարունակում է մնալ «զինված և վտանգավոր»:
ABC News-ի փոխանցմամբ՝ Քարդը ծառայել է բանակում և աշխատել որպես հրազենի հրահանգիչ։ Նա հոգեկան առողջության հետ կապված խնդիրների պատմություն ուներ և այս ամառ երկու շաբաթ անցկացրել է հոգեբուժարանում, երբ խոստացել էր գնդակահարել Ազգային գվարդիայի շենքը:
Անհայտ տղամարդը կրակ է բացել Լյուիսթոնում երեք տարբեր վայրերում, այդ թվում՝ առևտրի կենտրոնում և բարում: